٥ى شوبات ٢٠٢٠ بە نوێنەرایەتی بەڕێز (ئاوات محمد) ڕێکخراوەکەمان (سەنتەری پەرەپێدانی دیموکراسی و مافی مرۆڤ DHRD) وەک ئەندامی فیدراسیۆنی ڕێکخراوەکانی کۆمەڵگەی مەدەنی بەمەبەستی گەیاندنی یاداشتی فیدراسیۆن لەبارەی وەرگرتنی باج و رسومات لەرێکخراوەکان سەردانی ھەریەکە لە (وەزیری دارایی و ئابوری، لیژنەی رۆشنبیری و کۆمەڵی مەدەنی لەپەرلەمانی کوردستان، ئاژانشی نەتەوە یەکگرتووەکان (یونامی)، فەرمانگەی رێکخراوە ناحکومییەکان)ی کرد.
لەسەردانی سەرجەم بەرپرس و دامەزراوەکان جەخت لەوەکرایەوە بەپێی یاساو پرنسیپی نێودەوڵەتی رێکخراوی کۆمەڵی مەدەنی قازانج نەویستەو لە باج و ڕسومات دەبەخشرێت، بەڵام ئێستا لەھەرێمی کوردستان لەرێگەی بڕیارو رێنماییەوە داوای باج و رسومات لە رێکخراوەکان دەکەن.
ھەروەھا لەبەشێکی تری دیدارەکاندا جەخت لەوەکرایەوە پیویستە ژینگەی کارکردنی رێکخراوەکانی کۆمەڵی مەدەنی فراوان بکرێت نەک لەرێگەی دەرکردنی بڕیارو رێنمایی دژ بەیاسای تایبەت بەرێکخراوەکان گرفت و بارگرانیان بۆ دروستبکرێت. وە لەسەرجەم سەردان و دیدارەکاندا داوای ھەڵوەشاندنەوەی بڕیاری وەرگرتنی باج و رسوماتی رێکخراو لەگەڵ پاڵپشتی زیاتری کاری کۆمەڵی مەدەنی کرا ئەمەش بەئامانجی بەھێزکردنی بنەماکانی کۆمەڵگەی مەدەنی.