سه‌نته‌ری به‌رگری یاسایی ڕۆژنامه‌نوسانی هه‌رێمی كوردستان ۆركشۆپێك بۆ ڕۆژنامه‌نوسانی سنوری قه‌زای سۆران ساز ده‌كات.DSC04987
له‌ چوارچێوه‌ی چالاكیه‌كانی پرۆژه‌ی سه‌نته‌ری به‌رگری یاسایی بۆ ڕۆژنامه‌نووسانی هه‌رێمی كوردستان كه‌ له‌لایه‌ن سه‌نته‌ری په‌ره‌پێدانی دیموكراسی و مافی مرۆڤ D.H.R.D و به‌ پاڵپشتی ڕێكخراوی پاڵپشتی میدیای نێوده‌وڵه‌تی IMS جێبه‌جێ ده‌كرێت ،ڕۆژی 2 / 5 / 2013 ۆركشۆپێكی ساز كرد بۆ ڕۆژنامه‌نوسانی سنوری قه‌زای سۆران و ڕه‌واندز و چۆمان.
ۆركشۆپه‌كه‌ له‌ هۆڵی كۆنفرانسه‌كانی قه‌زای سۆران و به‌ به‌شداری ژماره‌یه‌كی زۆر له‌ ڕۆژنامه‌نوسان و ڕاگه‌یاندنكارانی ناوچه‌كه‌ به‌ڕێوه‌چوو كه‌ تیایدا پارێزه‌ری پرۆژه‌كه‌ ( محمد معروف ) سه‌ره‌تا باسی له‌ سه‌نته‌ری په‌ره‌پێدانی دیموكراسی و مافی مرۆڤ D.H.R.D و كارو چالاكیه‌كانی ڕێكخراو كرد و دواتر تیشكی خسته‌ سه‌ر پرۆژه‌ی سه‌نته‌ری به‌رگری یاسایی بۆ ڕۆژنامه‌نووسانی هه‌رێمی كوردستان و هۆكاری دروست كردنی ئه‌م پرۆژه‌یه‌ و ئامانج و میكانیزمی كاركردنی پرۆژه‌كه‌.
پاشان خوێندنه‌وه‌یه‌كی بۆ یاسای كاری ڕۆژنامه‌نوسی له‌ هه‌رێمی كوردستان ژماره‌ 35 ساڵی 2007 پێشكه‌ش كرد و دواتر له‌گه‌ڵ ئاماده‌بوواندا گفتو كرا له‌سه‌ر كه‌م و كورتیه‌كانی ناو یاساكه‌ و له‌ درێژه‌ی گفتو گۆكاندا چۆنێتی ئه‌نجام دانی كاری ڕۆژنامه‌نووسان قسه‌ی له‌سه‌ر كرا له‌ چوارچێوه‌ی یاسادا و چۆن ڕِۆژنامه‌نووس بتوانێت په‌یامه‌كه‌ی بگه‌یه‌نێت به‌بێ ناوزڕاندن و به‌بێ ئه‌نجام دانی سه‌رپێچی یاسایی هه‌روه‌ باسی له‌ گرنگی ئازادی بیروڕا كرد له‌ پێشكه‌وتنی هه‌ر كۆمه‌ڵگه‌یه‌كدا و دواتر به‌ گفتو گۆی ئاماده‌بووان كۆتایی به‌ ۆركشۆپه‌كه‌ هات.